23 sentyabr Beynəlxalq İşarət Dilləri Günü kimi qeyd olunur. Həmin gün işarət dillərinin əhəmiyyəti barədə məlumatlılığın artırılmasına və eşitmə məhdudiyyəti olan insanların həyatın bütün sahələrində bərabər iştirakının təşviqinə diqqət çəkir.

Gənclik Mall-da yerləşən CineMastercard kinoteatrında nümayiş olunan “Bütün Vücudlar Danışır” sənədli film əlillik inklüzivliyinə, eləcə də əlilliyi olan və olmayan insanların mədəni-sosial fəaliyyətlərini əsk etdirir.

Sənədli film“DanceAbility Azerbaijan”ın tərəfdaşları ilə birgə həyata keçirdiyi, 2024–2026-cı illəri əhatə edən eyniadlı layihənin məqsədini, eləcə də iştirakçıların şəxsi təcrübələrini təqdim edir.

Nümayiş zamanı CineMastercard kinoteatrlar şəbəkəsinin baş direktoru Zaur Darabzadə bu kimi təşəbbüslərin inklüziv cəmiyyətin inkişafı və əlilliyi olan insanların ictimai və mədəni həyatda bərabər iştirakının təmin edilməsi baxımından əhəmiyyətini vurğulayıb.

Tədbirdə “Nar”ın baş icraçı direktoru Özgür Genç və “DanceAbility Azerbaijan”ın rəhbəri Nigar Sultanova layihənin dayanıqlığı baxımından tərəfdaşlığın əhəmiyyətini vurğulayıblar. Qeyd edək ki, “Bütün Vücudlar Danışır” sənədli filmi “Nar”ın dəstəyi ilə işarət dilinə tərcümə edilib.