CineMastercard kinoteatrlar şəbəkəsinin direktoru Zaur Darabzadə Real TV telekanalına müsahibəsində 44 günlük Vətən müharibəsinə həsr olunmuş və CineMastercard kinoteatrlar şəbəkəsində nümayiş etdirilən “44” bədii filmi haqqında danışıb.

Oktyabrın 15-dən etibarən CineMastercard kinoteatrlarında nümayiş olunan ekran əsəri müxtəlif nəsillərin nümayəndələrinin diqqətini cəlb edir. Film Azərbaycanın müasir tarixinin ən mühüm hadisələrindən birini kino dili ilə təqdim edir.

44 günlük Vətən müharibəsi Azərbaycan xalqının yaddaşında xüsusi yer tutur. Bu mövzuda çəkilən ekran əsərləri yaşanan hadisələrin unudulmamasına, onların əhəmiyyətinin gənc nəslə çatdırılmasına və xalqın keçdiyi yolun daha dərindən dərk edilməsinə töhfə verir.

Tamaşaçıların ekran əsərinə münasibəti milli kinonun tarixi yaddaşın qorunmasında və ölkə üçün taleyüklü hadisələrin böyük ekranda əks olunmasında mühüm rol oynadığını göstərir.

“44” filmi CineMastercard kinoteatrlar şəbəkəsində nümayişini davam etdirir.