Noyabrın 17-də saat 19:00-da CineMastercard Azərbaycan kinoteatrında Azərbaycan Kinematoqrafçılar İttifaqının (AKİ) Fransanın Azərbaycandakı Səfirliyi, Fransız İnstitutu, Belçika və İsveçrənin Azərbaycandakı səfirlikləri ilə birgə təşkil etdiyi Frankofon Film Günlərinin təntənəli açılış mərasimi baş tutub.
Açılış mərasimində Azərbaycan Kinematoqrafçılar İttifaqının sədri Şəfiqə Məmmədova, Fransanın Azərbaycandakı fövqəladə və səlahiyyətli səfiri Sofi Laqut (Sophie Lagoutte), tərəfdaş ölkələrin diplomatik nümayəndəliklərinin təmsilçiləri, CineMastercard kinoteatrlar şəbəkəsinin baş direktoru Zaur Darabzadə, eləcə də kino ictimaiyyətinin nümayəndələri iştirak ediblər.
Tədbir çərçivəsində fransalı rejissor Emmanuel Kurkolun (Emmanuel Courcol) “Qardaşlar orkestri” (En fanfare, 2024) filmi nümayiş olunub.
Поделиться этой новостью